இன்று பிறந்த நாள் கொண்டாடும் தேமுதிக தலைவர் விஜயகாந்துக்கு திமுக தலைவர் ஸ்டாலின் பிறந்தநாள் வாழ்த்துக்கள் கூறியுள்ளார்.
தேமுதிக தலைவரும், புகழ்பெற்ற நடிகருமான கேப்டன் விஜயகாந்த் தனது 68 ஆவது பிறந்த நாளை இன்று கொண்டாடுகிறார். அவரின் பிறந்த நாளை முன்னிட்டு முதலமைச்சர் எடப்பாடி பழனிசாமி, துணை முதலமைச்சர் பன்னீர்செல்வம், அரசியல் கட்சித் தலைவர்கள், சினிமா பிரபலங்கள், தேமுதிக கட்சி நிர்வாகிகள் மற்றும் உறுப்பினர்கள் அனைவரும் தங்கள் வாழ்த்துக்களை மிகுந்த நெகிழ்ச்சியுடன் கூறியுள்ளனர்.
இந்நிலையில் விஜயகாந்த் பிறந்த நாளுக்கு வாழ்த்து தெரிவிக்கும் வகையில், திமுக தலைவர் ஸ்டாலின் வெளியிட்டுள்ள டுவிட்டர் பதிவில், ” தலைவர் கலைஞரின் குறையாத பாசத்திற்கு பத்திரமாக திகழ்ந்தவரும், என் இனிய அன்பு நண்பரும், தேமுதிக தலைவருமான கேப்டன் விஜயகாந்த் அவர்களுக்கு என் மனமார்ந்த பிறந்தநாள் வாழ்த்துக்களை தெரிவித்துக் கொள்கிறேன். அவர் பல்லாண்டு வாழவும் உடல் நலத்துடன் ஆரோக்கியமாக இருக்கவும் நான் பெரிதும் விரும்புகிறேன்” என்று பதிவிட்டுள்ளார்.
தலைவர் கலைஞரின் குறையாத பாசத்திற்குப் பாத்திரமாகத் திகழ்ந்தவரும், எனது இனிய அன்பு நண்பரும், தேமுதிக தலைவருமான ‘கேப்டன்' @iVijayakant அவர்களுக்கு மனமார்ந்த பிறந்தநாள் வாழ்த்துகள்!
68ல் அடியெடுத்து வைக்கும் அவர் பல்லாண்டு வாழவும் நலமும் குணமும் திடமும் பெற பெரிதும் விரும்புகிறேன்!
— M.K.Stalin (@mkstalin) August 25, 2020