“நீலகிரி டிஸ்ட்ரிக்ட் போலீஸ்” என்ற புதிய செயலியை நீலகிரி மாவட்ட எஸ்.பி அறிமுகம் செய்துள்ளார்.
கொரோனா பெரும் தொற்று காரணமாக நாடு முழுவதும் பொது முடக்கம் அமல்படுத்தப்பட்டுள்ளது. இதனால் மக்கள் வீடுகளில் மூடங்கியிருக்கின்றனர். வீட்டில் முடங்கி இருந்தாலும் பல்வேறு வகையில் இருக்கும் அன்றாட பணிகளை மக்கள் ஆன்லைன் மூலமாக செய்து வருகிறார்கள். இந்த நிலையில் நீலகிரி மாவட்ட காவல்துறை வீட்டில் முடங்கி இருக்கும் மக்களுக்கான புதிய சேவையை அறிமுகம் செய்து வருகிறது.
நீலகிரி மாவட்டத்தில் காவல் நிலையத்திற்கு வராமலேயே ஆன்லைன் மூலம் புகார் அளிக்க “நீலகிரி டிஸ்ட்ரிக்ட் போலீஸ்” என்ற புதிய செயலியை அம்மாவட்ட எஸ்.பி அறிமுகம் செய்துள்ளார்.கொரோனா தொற்று பரவல் காரணமாகவும் பொதுமக்கள் எளிதாக போலீசாரை அணுகவும் இந்த சேவை அறிமுகம் செய்யப்பட்டு உள்ளதாக தெரிவிக்கப்பட்டுள்ளது.