ஐபிஎல் போட்டித்தொடரில் இருந்து சொந்த காரணங்களுக்காக சுரேஷ் ரெய்னா விலகியுள்ளார்.
இந்த ஆண்டுக்கான ஐபிஎல் கிரிக்கெட் கொரோனா பரவல் காரணமாக ஐக்கிய அரபு அமீரகத்தில் நடைபெற உள்ளது. ஐபிஎல் தொடரானது வரும் செப்டம்பர் 19ஆம் தேதி தொடங்கி நவம்பர் 10ஆம் தேதி முடிவடைகிறது. இப்போட்டிகள் அபுதாபி, துபாய், சார்ஜாவில் உள்ள மைதானங்களில் நடைபெறுவதாக அறிவிக்கப்பட்டுள்ளது. இதற்காக ஐக்கிய அமீரகத்திற்கு அனைத்து அணிகளும் சென்றுகொண்டிருக்கிறது. அதேபோல சென்னை அணி வீரர்களும் ஐபிஎல் தொடரில் விளையாட கடந்த 21ஆம் தேதி துபாய்க்கு புறப்பட்டு சென்றனர்.. அங்கு வீரர்கள் அனைவரும் பயிற்சி செய்து வந்தனர்..
இந்த நிலையில் ஐபிஎல் போட்டித்தொடரில் இருந்து சொந்த காரணங்களுக்காக சுரேஷ் ரெய்னா விலகுவதாகவும், துபாயில் இருந்து புறப்பட்டு இந்தியா திரும்பினார் என்றும் சென்னை சூப்பர் கிங்ஸ் அணியின் சிஇஓவிஸ்வநாதன் தகவல் தெரிவித்துள்ளார்..
சென்னை அணி வீரர் உட்பட 13 பேருக்கு கொரோனா தொற்று ஏற்பட்ட நிலையில் சின்ன தல ரெய்னா அணியில் இருந்து விலகியுள்ளது அணிக்கு பெரும் பின்னடைவை ஏற்படுத்தியுள்ளது. இதனால் ரசிகர்கள் மிகுந்த கவலையில் உள்ளனர்..