மருதாணியின் மருத்துவ குணம் குறித்து இந்த செய்தித் தொகுப்பில் காணலாம்.
தமிழர்கள் பொதுவாக அனைத்து விஷயங்களிலும் ஒரு மருத்துவ குணத்தையும் அல்லது ஏதேனும் காரணத்தையும் உள்ளடக்கி இருப்பார்கள். அந்தவகையில், நாம் அனைவருமே தெரிந்திருக்க கூடிய ஒரு விஷயம் மருதாணி. கைகளில் அலங்காரம் செய்வதற்காக இந்த இலையை நாம் உபயோகிக்கிறோம். சிலருக்கு மருதாணி வைத்தால் சளி பிடிக்கும்.
இது போன்ற பிரச்சனை உள்ளவர்கள் மருதாணி இலைகளை அரைக்கும் போது கூடவே ஏழு அல்லது எட்டு நொச்சி இலைகளை சேர்த்து அரைத்து வைத்துக் கொள்ளலாம். கைகளில் மருதாணி வைப்பதன் மூலம் சொறி சிரங்கு, சேற்றுப் புண், பித்தவெடிப்பு ஆகியவை வராது.வந்தாலும் உடனடியாக சரியாகிவிடும்.
இதை அறியாமல் நாகரிகம் என்ற முன்னேற்றத்தில் மருதாணியை மறந்ததால் கால்களில் ஏற்படும் பித்தவெடிப்பு, சேற்றுப் புண், சொறி சிரங்கு உள்ளிட்டவற்றுக்கு அயல் நாட்டு மருந்து வாங்கி அவதிப் பட்டுக் கொண்டிருக்கிறோம். இனியாவது பாரம்பரியத்தின் மகத்துவத்தை உணர்ந்து நடந்து கொள்வோம்.