ஜப்பான் நாட்டை போரில் வென்ற 75 ஆவது ஆண்டு பவள விழா கொண்டாட்டத்தை சீனா கோலாகலமாக கொண்டாடி வருகிறது.
ஆசிய நாடுகளில் ஒன்றான ஜப்பான் நாடு கடந்த 1931 ஆம் ஆண்டு சீனாவுடன் போரில் இறங்கியது. சீனா மற்றும் ஜப்பான் நாடுகளுக்கு இடையே 14 ஆண்டுகளுக்கும் மேலாக நடந்த யுத்தம் கடந்த 1945ஆம் ஆண்டு முடிவுக்கு வந்தது. அந்தப் போரில் சீனா வெற்றிக் கொடியை நாட்டியது. இந்நிலையில் ஜப்பானை போரில் வீழ்த்தி இந்த ஆண்டுடன் சீனா 75 ஆண்டுகளை நிறைவு செய்கிறது. அதனால் ஜப்பானை போரில் வீழ்த்தி அதற்கான பவள விழா கொண்டாட்டம் சீனாவில் கோலாகலமாக கொண்டாடப்பட்டு வருகிறது.
மேலும் அந்நாட்டின் தலைநகர் பீஜிங்கில் ராணுவ வீரர்களின் அணிவகுப்பு சிறப்பாக நடந்தது. சீன அதிபர் ராணுவ வீரர்களின் அணிவகுப்பு மரியாதையை முழுமனதுடன் ஏற்றுக் கொண்டார். அதுமட்டுமன்றி இந்தப் பவள விழா கொண்டாட்டத்தில் நாட்டின் மிக மூத்த தலைவர்கள் மற்றும் தியாகிகள் அனைவரும் பங்கேற்றனர். போர்வீரர்களுக்கு மலர் வளையம் வைத்து தகுந்த மரியாதை செலுத்தப்பட்டது.