டெல்லியில் கடந்த 24 மணி நேரத்தில் மட்டும் கொரோனா பாதிப்பு 3 ஆயிரத்தை எட்டியுள்ளதால் மக்கள் அச்சமடைந்துள்ளனர்.
டெல்லியில் இன்று ஒரே நாளில் மட்டும் 2,973 பேருக்கு கொரோனா பாதிப்பு உறுதிப்படுத்தப்பட்டுள்ளது. அதனால் தற்போது வரை மொத்தமாக கொரோனாவால் பாதிக்கப்பட்டவர்களின் எண்ணிக்கை 1,88,193 ஆக உயர்ந்துள்ளது. மேலும் இன்று மட்டும் 25 பேர் உயிரிழந்த நிலையில், தற்போது வரை கொரோனாவால் உயிரிழந்தவர்களின் எண்ணிக்கை 4,538 ஆக உயர்ந்துள்ளது.
அதே சமயத்தில் இன்று ஒரே நாளில் 1,920 பேர் கொரோனா பாதிப்பிலிருந்து குணமடைந்து வீடு திரும்பியுள்ளனர். அதனால் தற்போது வரை குணமடைந்து வீடு திரும்பியவர்களின் எண்ணிக்கை 1,63,785 ஆக அதிகரித்துள்ளது. மேலும் கொரோனாவால் பாதிக்கப்பட்ட 19,870 பேர் மருத்துவமனையில் சிகிச்சை பெற்று வருவதாக அம்மாநில சுகாதாரத் துறை கூறியுள்ளது.