அடுத்தடுத்த தற்கொலைகளை தாண்டி… இன்று தொடங்குகிறது நீட்…!!

மருத்துவ படிப்பிற்கான நீட் தேர்வு இன்று முதல் நாடு முழுவதும் வழிகாட்டு நெறிமுறைகளை பின்பற்றி நடக்க இருக்கிறது.

நாடு முழுவதும் இன்று சுமார் 16 லட்சம் மாணவ மாணவியர் மருத்துவ படிப்பிற்கான நுழைவுத் தேர்வு எழுதுகின்றனர். இன்று மதியம் 2 மணி முதல் மாலை 5 மணி வரை நீட் தேர்வு நடைறெ இருக்கிறது. முழுவதும் கொரோனா வைரஸ் பரவி உள்ள நிலையில் 16 லட்சம் மாணவர்கள் இன்று நீட் தேர்வை நேரடியாக எழுத இருப்பதால் கடுமையான முன்னெச்சரிக்கை நடவடிக்கைகள் மேற்கொள்ளப்பட்டு இருக்கின்றன.

இதனால் தேர்வு எழுதும் மையங்களும் அதிகரிக்கப்படுத்தப்பட்டு ஒவ்வொரு அறையிலும் 24 மாணவர்களுக்கு அதிகமாகாமல் தேர்வுகள் நடைபெறும். மேலும் ஒரு அறையில் 12 மாணவர்கள் என்ற நிலையில் குறைக்க வாய்ப்பு இருப்பதாக கூறப்படுகிறது. தேர்வு எழுத இருக்கும் அறைகளில் கிருமி நாசினிகள் தெளிக்கப்பட்டு சமூக இடைவெளிக்கான ஏற்பாடுகளும் செய்யப்பட்டுள்ளன. தேர்வு எழுத வரும் மாணவ மாணவர்களுக்காக பல்வேறு மாநில அரசுகள் போக்குவரத்து ஏற்பாடுகளை செய்து கொடுத்துள்ளது.

மாணவர்கள் அனைவரும் காலை 11 மணிக்கு தேர்வு மையத்தில் இருக்க வேண்டும் என்றும் தேர்வு மையத்துக்கு வரும் போது, ஹால் டிக்கெட் மற்றும் ID Proof கட்டாயம் வைத்திருக்க வேண்டும் என்றும், ஹால் டிக்கெட்டில் குறிப்பிடப்பட்டுள்ள நேரத்தின் படி, மாணவர்கள் தேர்வறைக்குள் அனுமதிக்கப்படுவார்கள் என்றும் அறிவுறுத்தப்பட்டுள்ளது. குடிநீர் பாட்டில் கட்டாயம். நீட் விண்ணப்ப படிவத்தில் உள்ள Passport Size புகைப்படம் ஒன்றையும் உடன் எடுத்து வர வேண்டும். கிருமி நாசினியை கொண்டு வந்து அடிக்கடி கைகளை சுத்தம் செய்தல் வேண்டும். முகக்கவசம் கட்டாயம் வேண்டும் , 6 அடி தனி மனித இடைவெளியை கட்டாயமாக பின்பற்ற வேண்டும் என்றும் அறிவுறுத்தப்பட்டுள்ளது.