விமானங்களில் புகைப்படம் மற்றும் வீடியோ எடுத்தால் குறிப்பிட்ட வழித்தடங்களில் விமான சேவை ரத்து செய்யப்படும் என டிஜிசிஏ எச்சரித்துள்ளது.
இன்டிகோ விமானமானது சண்டிகரில் இருந்து கிளம்பி மும்பை சென்று கொண்டிருந்தது. அந்த விமானத்தில் நடிகை கங்கனா ரணாவத் இரு நாட்களுக்கு முன் பயணம் செய்தார். அப்போது, ஊடகத்தினர் விமானங்கள் மற்றும் விமான நிலையங்களில் நடைமுறைப்படுத்தப்பட்டுள்ள பாதுகாப்பு விதிகளைமீறி, சமூக இடைவெளியை கடைபிடிக்காமலும் புகைப்படங்கள் மற்றும் வீடியோக்கள் பல எடுத்துள்ளனர். இந்த வீடியோ காட்சிகள் மற்றும் புகைப்படங்கள் இணையத்தில் வைரலாக பரவி வந்தது.
இது குறித்த செய்தி அறிந்த டிஜிசிஏ பயணிகள் விமான இயக்குனரகம் இன்டிகோ நிறுவனத்திடம் உரிய நடவடிக்கை எடுக்க வேண்டும் என்று உத்தரவிட்டிருந்தது. இந்நிலையில் பயணிகள் விமானத்துக்குள் புகைப்படம், வீடியோ எடுத்தது கண்டறியப்பட்டால், அந்த விமானம் அந்த குறிப்பிட்ட வழித்தடத்தில் இருவாரங்கள் இயக்க தடை விதிக்கப்படும் என டிசிஜிஏ எச்சரித்து கூறியுள்ளது.