ஐநா பொது சபையின் கூட்டத்தில் இரு அமர்வுகளில் பிரதமர் நரேந்திர மோடி பங்கேற்க உள்ளதாக ஐ.நாவுக்கான இந்திய நிரந்தர பிரதிநிதி டி.எஸ் திருமூர்த்தி தெரிவித்துள்ளார்.
திங்கட்கிழமை தொடங்க உள்ள ஐநா பொது சபையின் கூட்டத்தில் இரு அமர்வுகளில் பிரதமர் நரேந்திர மோடி காணொளி காட்சி மூலம் பங்கேற்க உள்ளதாக ஐநாவுக்கான இந்திய நிரந்தர பிரதிநிதி டி.எஸ் திருமூர்த்தி தெரிவித்துள்ளார். முதலில் நாட்டின் நிலைபாடு தொடர்பாக பிரதமர் உரையாற்ற உள்ளதாகவும் இரண்டாவது அமர்வில் அதாவது ஐநா பொதுசபை உருவாக்கப்பட்ட 75-வது ஆண்டு சிறப்பு அமர்வில் பிரதமர் உரையாற்றுவார் என்று திருமூர்த்தி தெரிவித்துள்ளார். இதில் இந்தியாவின் பங்களிப்பை குறித்து பிரதமர் முக்கிய தகவல்களை வெளியிடுவார் என அவர் நம்பிக்கை தெரிவித்துள்ளார்.
இந்த பொது சபை கூட்டத்தில் இடையே நடைபெற உள்ள அமைச்சர்கள் மட்டத்திலான கூட்டங்களில் வெளியுறவுத்துறை அமைச்சர் ஜெய்சங்கர் பங்கேற்க உள்ளதாகவும். ஒரு நல்ல தருணத்தில் ஐநா பாதுகாப்பு குழுவில் இந்தியா பங்கேற்க உள்ளதாக திருமூர்த்தி தெரிவித்துள்ளார். கொரோனா மற்றும் 75-வது ஆம் ஆண்டில் ஐநா பொது சபை அடியடுத்து வைக்கும் இந்த தருணத்தில் வித்தியாசமாக நடவடிக்கைகளை மேற்கொள்ள நமக்கு கிடைத்த வாய்ப்பு தற்போது கிடைத்துள்ளதாகவும் அவர் தெரிவித்துள்ளார். இதற்கு முன்பு நாம் இந்த குழுவில் இருந்தபோது உள்ள நிலை தற்போது உலகில் இல்லை என்றும் உலகம் மாறி உள்ளதாகவும் திருமூர்த்தி தெரிவித்துள்ளார்.