காஞ்சிபுரம் அருகே மோட்டார் சைக்கிள் மோதியதில் பெயிண்டர் பலியான விபத்து குறித்து போலீசார் விசாரித்து வருகின்றனர்.
காஞ்சிபுரம் மாவட்டத்தில் உள்ள தாமல் முசரவாக்கம் பகுதியை சேர்ந்தவர் வெங்கடேசன். 40 வயதான அவர் பெயிண்டர் வேலை செய்கின்றார். அவர் தனது மனைவியை அழைத்துக்கொண்டு அரசு மருத்துவமனைக்கு சென்று விட்டு வீடு திரும்பும் பொழுது பாலுசெட்டிச்சத்திரம் பகுதியில் வந்து கொண்டிருந்த போது பின்னால் வந்த மோட்டார் சைக்கிள் மோதி விபத்துக்குள்ளானதில் அவர் படுகாயம் அடைந்தார். அவரை மீட்டு கீழம்பி சுகாதார நிலையத்துக்கு கொண்டு சென்றனர். மருத்துவமனையில் பரிசோதித்த மருத்துவர்கள் அவர் ஏற்கனவே இறந்து விட்டார் என கூறினர். இதைத்தொடர்ந்து போலீசார் வழக்குப்பதிவு செய்து விசாரித்து வருகின்றனர்.