வேலைக்கு புறப்பட்ட ஆயுதப்படை காவலர் செல்லும்வழியில் கொலை செய்யப்பட்ட சம்பவம் பெரும் பரபரப்பை ஏற்படுத்தியது.
செங்கல்பட்டு அருகே பழைய சீவரம் பகுதியில் வசித்து வருபவர் இன்பரசு. 28 வயதாகும் அவர் புழல் சிறையில் ஆயுதப்படை காவலராக பணியாற்றி வருகிறார். நேற்று வீடு திரும்பிய இன்பரசு ,இன்று பணிக்கு செல்ல அவரது இரு சக்கர வாகனத்தில் சென்று கொண்டிருந்தார். அப்போது எதிரே வந்த மர்ம நபர்கள் அவரை சரமாரியாக வெட்டி படுகொலை செய்தனர்.
இந்த தகவல் அறிந்து சம்பவ இடத்திற்கு விரைந்து வந்த காவல்துறையினர் அவர் உடலை மீட்டு பிரேத பரிசோதனைக்காக அனுப்பிவைத்ததோடு வழக்கு பதிந்து விசாரணை மேற்கொண்டு வருகின்றனர்.