சென்னையில் மீண்டும் அதிகரிக்கும் கொரோனா…!!

தமிழகத்தில் கொரோனா பாதிப்பால் நேற்று 70 பேர் உயிரிழந்தனர்.

இதுவரை கொரோனா பாதித்தவர்களின் எண்ணிக்கை 5 லட்சத்து 86 ஆயிரத்தை கடந்துள்ளது. தமிழ்நாட்டில் கொரோனா வைரஸ் தொற்று வேகமாக பரவி வருகிறது. நேற்று ஒரே நாளில் 5 ஆயிரத்து 589  பேர் வைரஸ் தொற்றுக்கு ஆளாகி இருப்பதாக தமிழக அரசின் சுகாதாரத் துறை வெளியிட்ட மருத்துவ அறிக்கையில் தெரிவிக்கப்பட்டுள்ளது. கொரோனா வைரஸால் இதுவரை பாதிக்கப்பட்டுள்ளோரின் எண்ணிக்கை 5 லட்சத்து 86 ஆயிரத்து 397 ஆக உயர்ந்துள்ளது.

நேற்று ஒரே நாளில் கொரோனா வைரஸ் காரணமாக 70 பேர் உயிரிழந்துள்ளனர். இவர்களுடன் சேர்த்து தமிழகத்தில் இதுவரை உயிரிழந்தோர் எண்ணிக்கை 9 ஆயிரத்து 383 ஆக அதிகரித்துள்ளது. சென்னையில் நேற்று ஒரே நாளில் ஆயிரத்து 283 பேர் வைரஸ் தொற்றுக்கு ஆளாகி உள்ளனர். இவர்களுடன் சேர்த்து சென்னையில் இதுவரை ஒரு லட்சத்து 64 ஆயிரத்து 744 பேர் கொரோனா வைரஸால் பாதிக்கப்பட்டு உள்ளனர்.

தமிழகத்தில் நேற்று 5 ஆயிரத்து 554  பேர் கொரோனாவில் இருந்து குணமடைந்துள்ளனர். இதுவரை 5 லட்சத்து 30 ஆயிரத்து 708 பேர் கொரோனாவில் இருந்து மீண்டு உள்ளனர். தமிழக சுகாதாரத் துறை வெளியிட்டுள்ள அறிக்கையின்படி அனைத்து மாவட்டங்களிலும் நேற்று கொரோனா பாதிப்பு உறுதி செய்யப்பட்டுள்ளது. கோவையில் 587 பேருக்கும், சேலத்தில் 256 பேருக்கும், செங்கல்பட்டில் 249 பேருக்கும், திருவள்ளூரில் 249 பேருக்கும் கொரோனா தொற்று உறுதி செய்யப்பட்டுள்ளது. திருப்பூரில் 198 பேருக்கும், தஞ்சாவூரில் 180 பேருக்கும், கடலூரில் 162 பேருக்கும், திருவண்ணாமலையில் 151 பேருக்கும் கொரோனாவால் பாதிக்கப் பட்டுள்ளனர்.