நாகை அடுத்த நாகூரில் காய்கறி கடைகள் வைத்து மதுபானங்கள் விற்பனை செய்த மூதாட்டி மற்றும் கடை உரிமையாளரை காவல்துறையினர் கைது செய்தனர்.
நாகை அடுத்துள்ள நாகூர் அமிர்தா நகர் பகுதியில் காய்கறி கடையில் புதுச்சேரி மாநிலம் மதுபானங்கள் சட்டவிரோதமாக விற்பனை செய்யப்படும் காட்சிகள் சமூக வலைத்தளங்களில் வெளியானது. இந்த நிலையில் நாகை எஸ்.பி. உத்தரவின்பேரில் சம்பவ இடத்திற்கு சென்ற நாகூர் போலீசார் காய்கறி கடையில் மது விற்பனை செய்துகொண்டிருந்த மூதாட்டி மயில் அம்மாள் மற்றும் அதே பகுதியை சேர்ந்த ரபீக் ஆகிய இருவரையும் கையும் களவுமாக கைது செய்தனர். சட்டவிரோத மது விற்பனையில் ஈடுபட்டால் கடும் நடவடிக்கை எடுக்கப்படும் என்று நாகை எஸ்.பி. திரு செல்வ நாகரத்தினம் தெரிவித்துள்ளார்.