தமிழகத்தில் மேலும் 62 பேர் கொரோனாவால் உயிரிழந்ததை அடுத்து இதுவரை கொரோனாவுக்கு பலியானோர் எண்ணிக்கை 9,846 ஆக உயர்ந்துள்ளது.
தமிழகத்தில் கொரோனா வைரஸ் வேகமாக பரவி வருகிறது. நேற்று ஒரே நாளில் 5 ஆயிரத்து 395 பேருக்கு கொரோனா தொற்று உறுதிசெய்யப்பட்டுள்ளது. இதனால் தமிழகத்தில் கொரோனாவால் பாதிக்கப்பட்டோர் எண்ணிக்கை 6 லட்சத்து 25 ஆயிரத்து 391 ஆக உயர்ந்துள்ளது. ஒரே நாளில் கொரோனா தொற்றால் 62 பேர் உயிரிழந்துள்ளனர். இதனால் தமிழகத்தில் இதுவரை உயிரிழந்தோர் எண்ணிக்கை 9 ஆயிரத்து 846 ஆக அதிகரித்துள்ளது.
சென்னையில் கொரோனா பரவல் வேகம் அதிகரிக்க தொடங்கி உள்ளது. நேற்று ஒரே நாளில் 1,367 பேர் வைரஸ் தொற்றுக்கு ஆளாகி உள்ளனர். இவர்களுடன் சேர்த்து சென்னையில் இதுவரை கொரோனாவால் பாதிக்கப்பட்டோர் எண்ணிக்கை ஒரு லட்சத்து 74 ஆயிரத்து 143 ஆக உயர்ந்துள்ளது. தமிழகத்தில் நேற்று 5 ஆயிரத்து 572 பேர் கொரோனாவில் இருந்து குணமடைய உள்ளனர்.
இதுவரை 5 லட்சத்து 69 ஆயிரத்து 664 பேர் கொரோனாவில் இருந்து மீண்டு உள்ளனர். தமிழக சுகாதாரத்துறை வெளியிட்டுள்ள அறிக்கையின்படி அனைத்து மாவட்டங்களிலும் நேற்று கொரோனா பாதிப்பு உறுதி செய்யப்பட்டுள்ளது. கோவை 468, செங்கல்பட்டு 343, சேலம் 337, தஞ்சையில் 251 பேருக்கு கொரோனா பாதிப்பு ஏற்பட்டுள்ளது.