பூந்தமல்லி அருகே கஞ்சா விற்பனை செய்த இரண்டு பேர் கைது செய்யப்பட்டனர்.
பூந்தமல்லி அடுத்த நசரேத் பேட்டை பகுதிகளில் இரவு நேரங்களில் இருசக்கர வாகனங்களில் வரும் மர்ம நபர்கள் கஞ்சா விற்பனையில் ஈடுபடுவதாக காவல்துறையினருக்கு தகவல் கிடைத்தது. இதனையடுத்து தீவிரமான கண்காணிப்பில் இறங்கிய காவல்துறையினர் நசரேத் பேட்டையை அடுத்த வரதராஜபுரம் பகுதியிலுள்ள புல்லட்டில் வந்த இரண்டு நபர்களை மடக்கி விசாரணை செய்தனர். மேலும் அவர்களிடம் சோதனை செய்தபோது கஞ்சா இருந்தது தெரியவந்தது. இதனையடுத்து இவர்களை கைது செய்த காவல்துறையினர் இவர்களிடம் இருந்து 2 கிலோ கஞ்சா 2 செல்போன்கள் ஓர் புல்லட் ஆகியவற்றை பறிமுதல் செய்தனர்.