தமிழகத்தில் மேலும் 68 பேர் கொரோனாவால் உயிரிழந்ததை தொடர்ந்து இதுவரை கொரோனாவுக்கு பலியானோரின் எண்ணிக்கை 10 ஆயிரத்தை 120 ஆக உயர்ந்துள்ளது.
தமிழகத்தில் கொரோனா வைரஸ் வேகமாக பரவி வருகிறது. நேற்று ஒரே நாளில் 5 ஆயிரத்து 185 பேருக்கு கொரோனா தொற்று உறுதி செய்யப்பட்டுள்ளது. இதனால் தமிழகத்தில் கொரோனாவால் பாதிக்கப்பட்டோரின் எண்ணிக்கை 6 லட்சத்து 46 ஆயிரத்து 128 ஆக உயர்ந்துள்ளது. நேற்று ஒரே நாளில் கொரோனா தொற்றால் 68 பேர் உயிரிழந்துள்ளனர். இதனால் தமிழகத்தில் இதுவரை உயிரிழந்தோரின் எண்ணிக்கை 10 ஆயிரத்தை 120 ஆக அதிகரித்துள்ளது.
சென்னையில் கொரோனா பரவல் வேகம் தொடர்ந்து அதிகரித்து வருகிறது. நேற்று ஒரே நாளில் ஆயிரத்து 288 பேர் வைரஸ் தொற்றுக்கு ஆளாகி உள்ளனர். இவர்களுடன் சேர்த்து சென்னையில் இதுவரை சென்னையில் பாதிக்கப்பட்டோரின் எண்ணிக்கை ஒரு லட்சத்து 79 ஆயிரத்து 424 ஆக உயர்ந்துள்ளது. தமிழகத்தில் நேற்று 5,357 பேர் கொரோனாவில் இருந்து குணமடைந்துள்ளனர்.
இதுவரை 5 லட்சத்து 91 ஆயிரத்து 811 பேர் கொரோனாவில் இருந்து மீண்டு உள்ளனர். தமிழக சுகாதாரத் துறை வெளியிட்டுள்ள அறிக்கையின்படி அனைத்து மாவட்டங்களிலும் நேற்று கொரோனா பாதிப்பு உறுதி செய்யப்பட்டுள்ளது. கோவையில் 397 பேரும், செங்கல்பட்டில் 343 பேரும், சேலத்தில் 295 பேரும், தஞ்சாவூரில் 240 பேருக்கும் கொரோனா பாதிப்பு ஏற்பட்டுள்ளது.