பனி வரகு காளான் சாதம்…அற்புதமான சுவையில்…!!

பனி வரகு காளான் சாதம் செய்ய தேவையான பொருட்கள்:

பனிவரகு அரிசி                                     –  1 கப்
நறுக்கிய காளான்                                – 1/2 கப்
கடலை எண்ணெய்                              -3 மேஜைக்கரண்டி
ஏலக்காய்                                                   -2
பட்டை                                                         – சிறிது
கிராம்பு                                                       – 2
பட்டை சோம்பு (பொடித்தது)          – 2 தேக்கரண்டி
இஞ்சி பூண்டு விழுது                           -1 மேசைக்கரண்டி
மிளகாய் தூள்                                           -1 தேக்கரண்டி
மஞ்சள் தூள்                                              – சிறிது
வெங்காயம்                                               – கால் கப்
தக்காளி                                                       – கால் கப்
புதினா                                                          – ஒரு கைப்பிடி
தேங்காய் பால்                                         – கால் கப்
உப்பு                                                               – தேவையான  அளவு

செய்முறை:

ஒரு வாணலியில் எண்ணெய் விட்டு சூடானதும் அதில் பட்டை, ஏலக்காய், 2 கிராம்பு, சோம்பு, இஞ்சிப்பூண்டு விழுது முறையே சேர்த்து நன்றாக வதக்கவும்.

மேலும் அதனுடன் புதினா, வெங்காயம், தக்காளி, மஞ்சள்தூள் சிறிதளவு, மிளகாய்த்தூள் 1 தேக்கரண்டி சேர்த்து நன்றாக வதக்கவும்.

கடாயில் கழுவிய காளான் 1/2 கப், கல்லில்லாத  பனி வரகு அரிசி1 கப்,  தண்ணீர் 2 கப், சிரிதளவு உப்பு சேர்த்து கொதிக்க விடவும்.தண்ணீரும், அரிசியும் ஒரே மட்டத்திற்கு வரும்போது, தேங்காய் பால் சேர்த்து மிதமான தீயில் 10 நிமிடம் வைக்கவும்.

10 நிமிடம் கழித்து திறந்து பார்த்தால் புதுவிதமான சுவையில் பணி வரகு காளான் சாதம் ரெடி.