தமிழகத்தில் தொடர்ந்து நான்காவது நாளாக 5 ஆயிரத்திற்கும் கீழ் கொரோனா பாதிப்பு ஏற்பட்டுள்ளது.
தினசரிக் கொரோனா பலி எண்ணிக்கை 50க்கு கீழ் பதிவாகி உள்ளது. தமிழகத்தில் கொரோனா வைரஸ் வேகமாக பரவி வரும் நிலையில் நேற்று ஒரே நாளில் 4 ஆயிரத்து 410 பேருக்கு கொரோனா தொற்று உறுதி செய்யப்பட்டு உள்ளது. இதனால் தமிழகத்தில் கொரோனாவால் பாதிக்கப்பட்டோர் எண்ணிக்கை 6 லட்சத்து 74 ஆயிரத்து 802 ஆக உயர்ந்துள்ளது. கொரோனா தொற்றால் ஒரே நாளில் 49 பேர் உயிரிழந்தனர்.
இதனால் தமிழகத்தில் இதுவரை உயிரிழந்தோர் எண்ணிக்கை 10 ஆயிரத்து 472 ஆக அதிகரித்துள்ளது. சென்னையில் நேற்று ஒரே நாளில் 1,148 பேர் வைரஸ் தொற்றுக்கு ஆளாகி உள்ளனர். இவர்களுடன் சேர்த்து சென்னையில் இதுவரை கொரோனாவால் பாதிக்கப்பட்டோர் எண்ணிக்கை ஒரு லட்சத்து 86 ஆயிரத்து 667 ஆக உயர்ந்துள்ளது. தமிழகத்தில் நேற்று 5 ஆயிரத்து 55 பேர் கொரோனாவில் இருந்து குணமடைந்து உள்ளனர்.
இதுவரை 6 லட்சத்து 22 ஆயிரத்து 458 பேர் கொரோனாவில் இருந்து மீண்டு உள்ளனர். தமிழக சுகாதாரத் துறை வெளியிட்டுள்ள அறிக்கையின்படி அனைத்து மாவட்டங்களிலும் நேற்று கொரோனா பாதிப்பு உறுதிசெய்யப்பட்டது. கோவை 395, சேலம் 263, செங்கல்பட்டு 255, திருவள்ளூர் 192 பேருக்கு கொரோனா பாதிப்பு ஏற்பட்டுள்ளது.