மத்திய உள்துறை மந்திரி அமித்ஷா பிறந்தநாளையொட்டி முதலமைச்சர் எடப்பாடி பழனிசாமி வாழ்த்து தெரிவித்து வாழ்த்து மடல் அனுப்பியுள்ளார்.
மத்திய உள்துறை மந்திரி அமித்ஷா தனது 56வது பிறந்த நாளை இன்று கொண்டாடுகிறார். அவரின் பிறந்த நாளுக்கு அரசியல் தலைவர்கள் பலரும் தங்கள் வாழ்த்துக்களை தெரிவித்துள்ளனர். இந்த நிலையில் தமிழக முதலமைச்சர் எடப்பாடி பழனிசாமி, மத்திய உள்துறை மந்திரிக்கு வாழ்த்து தெரிவித்து பூங்கொத்துடன் வாழ்த்து கடிதம் அனுப்பி இருக்கிறார்.
அந்தக் கடிதத்தில், ” உங்களின் பிறந்த நாளில் எனது வாழ்த்துக்களை உங்களுக்கு கூறுவதில் நான் மிகுந்த மகிழ்ச்சி அடைகிறேன். நீண்ட காலம் நல்ல உடல் நலத்துடன் நாட்டிற்கு தொடர்ந்து சேவையாற்ற எல்லாம் வல்ல இறைவனை நான் பிரார்த்தனை செய்கிறேன்” என்று அவர் கூறியுள்ளார்.