உள்ளூர் தொழில் நுட்பத்தால் உருவாக்கப்பட்ட நாக் ஏவுகணை பீரங்கிகளை தாக்கி அழிக்கும் இறுதி கட்ட சோதனையில் வெற்றி கண்டுள்ளது.
நாட்டின் பாதுகாப்பிற்காக பல்வேறு ஏவுகணைகளை இந்திய பாதுகாப்பு ஆராய்ச்சி மற்றும் மேம்பாட்டு அமைப்பு உருவாக்கி கொண்டிருக்கிறது. அவ்வகையில் உள்நாட்டு தொழில்நுட்பத்தில் நாக் ஏவுகணை ஒன்று உருவாக்கப்பட்டுள்ளது. அது எதிரிகளின் பீரங்கிகளை துல்லியமாக தாக்கி அழிக்கும் வகையில் உருவாக்கப்பட்டுள்ளது. அதன் இறுதி கட்ட பரிசோதனை இன்று அதிகாலை 6 மணியளவில் ராஜஸ்தானில் உள்ள பாலைவனப் பகுதியான போக்ரானில் நடத்தப்பட்டது.
அப்போது நாக் ஏவுகணை நிர்ணயிக்கப்பட்ட இலக்கை துல்லியமாக தாக்கி அழித்துள்ளது. இந்த சோதனை வெற்றி கண்டதால், மிக விரைவில் ராணுவத்தில் இணைக்கப்படும் என்று எதிர்பார்க்கப்படுகிறது. மேலும் இந்த ஏவுகணை நவீனரக வலுவான பீரங்கிகளை தாக்கி அழிக்கும் வல்லமை பெற்றுள்ளது.