இயக்குனர் ஷங்கர் அவர்கள் இந்தியன்2 படத்தை தொடங்க விடுங்கள் அல்லது என்னை வேறு படத்திற்கு பணிபுரிய விடுங்கள் என தயாரிப்பு நிறுவனத்திற்கு கடிதம் ஒன்று எழுதியிருக்கிறரர்.
இயக்குனர் ஷங்கர் இயக்கத்தில் உருவாகி வரும் நடிகர் கமல்ஹாசன் நடிக்கும் படமானது இந்தியன்2 ஆகும். இதில் காஜல் அகர்வால், விவேக், ரகுல் பிரீத் சிங், பாபிசிம்ஹா, பிரியா பவானி சங்கர், வித்யூத் ஜமால் போன்ற பலர் நடித்து வருகின்றனர். இப்படத்தின் முதல் கட்ட , படப்பிடிப்பை சென்னையில் தொடங்கிய படக்குழுவினர், பிறகு போபால், ஐதராபாத் போன்ற இடங்களில் படமாக்கி உள்ளனர். இதன் இடையே கடந்த பிப்ரவரி மாதம் படப்பிடிப்பு தளத்தில் ஏற்பட்ட விபத்து காரணமாகவும் பிறகு கொரோனா போன்ற காரணங்களாலும் இந்தியன் 2 படத்தின் படப்பிடிப்பு கடந்த 6 மாதங்களுக்கு மேலாக நடைபெறாமல் நிறுத்தப்பட்டுள்ளது.
இது மட்டுமின்றி கொரோனா காலத்தில் ஏற்பட்ட நஷ்டத்தை குறைக்க படத்தின் பட்ஜெட்டை மேலும் குறைக்கும்படி தயாரிப்பு நிறுவனம் இயக்குனர் ஷங்கரிடம் வலியுறுத்தி இருந்தது. ஆனால் ஏற்கனவே 400 கோடியிலிருந்து 220 கோடியாக குறைக்கப்பட்ட பட்ஜெட்டை திரும்பவும் குறைக்க முடியாது என சங்கர் கூறிவிட்டதாக தெரிகின்றது.தற்பொழுது மத்திய அரசு சினிமா படப்பிடிப்புகளுக்கு தளர்வு அறிவித்திருக்கும் நிலையில் இந்தியன்2 படத்தின் பணிகளை துவக்க தயாரிப்பு நிறுவனம் அனுமதி தரவில்லை. எனவே கோபமடைந்த ஷங்கர் படப்பிடிப்பை தொடங்குங்கள் அல்லது என்னை வேறு படத்தின் பணிகளை ஆரம்பிக்க விடுங்கள் என கடிதம் எழுதியுள்ளதாக கூறப்படுகின்றது.
தயாரிப்பு நிறுவனம் இதனை மறுத்துள்ளது. தற்பொழுது அனுமதிக்கப்பட்டிருக்கும் 100 பேர் என்ற எண்ணிக்கை இந்தியன் 2 மாதிரியான பிரமாண்ட படங்களுக்கு போதாது எனவும் அதில் குறைந்த பட்சம் 500 பேர் தேவைப்படும் என்பதால் படப்பிடிப்பை தற்போது தொடங்க இயலவில்லை என அவர்கள் கருதுகின்றனர்.