ஆர். ஜே . பாலாஜி அவர்கள் மூக்குத்தி அம்மன் படத்தின் ரிலீஸ் பற்றி அதிகாரப்பூர்வ தகவல் கொடுத்துள்ளார்.
பிரபல லேடி சூப்பர் ஸ்டாராக வலம் வரும் நடிகை நயன்தாரா நடிப்பில் தற்போது உருவாகியிருக்கும் படமானது மூக்குத்தி அம்மன் ஆகும்.இந்த படத்தின் திரைக்கதை, கதை, வசனம் எழுதிய ஆர்.ஜே . பாலாஜி அவர்கள் இயக்குனர் சரவணன் உடன் இணைந்து இயக்கியுள்ளார். முழுக்க முழுக்க காமெடி படமாக உருவாகிவரும் இந்த படத்திற்காக நடிகை நயன்தாரா48 நாட்கள் விரதமிருந்து நடித்திருந்தார்.
வேல்ஸ் பிலிம் இண்டர்நேஷனல் சார்பில் ஐசரி கே .கணேஷ் தயாரித்திருக்கும் இந்த படத்தின் படப்பிடிப்பு லாக்டவுனுக்கு முன்னரே நிறைவடைந்துவிட்டது. மே 1-ஆம் தேதி படத்தை வெளியிட திட்டமிட்டு இருந்தனர். ஆனால் கொரோனா பிரச்சினை காரணமாக படம் திட்டமிட்டபடி ரிலீஸ் செய்ய முடியவில்லை.
இந்த நிலையில் இப்படம் வருகின்ற தீபாவளி பண்டிகை அன்று ஓடிடி தளத்தில் வெளியாக உள்ளதாக படக்குழுவினர் அதிகாரப்பூர்வமாக தெரிவித்துள்ளனர். இந்த படத்தின் டிரைலர் வருகின்ற அக்டோபர் 25-ஆம் தேதி அன்று வெளியாகும் என அறிவிக்கப்பட்டுள்ளது. இந்த வருடம் தீபாவளி பண்டிகைக்கு மூக்குத்தி அம்மன் வருகின்றாள்.