தமிழகத்தில் கொரோனாவுக்கு மேலும் 35 பேர் உயிரிழந்ததை அடுத்து பலி எண்ணிக்கை 11,018-ஆக உயர்ந்துள்ளது.
தமிழகத்தில் ஐந்தாவது நாளாக இன்றும் 3 ஆயிரத்திற்கும் குறைவான கொரோனா பாதிப்பு உள்ளது. இன்று ஒரே நாளில் 2,516 பேருக்கு கொரோனா தொற்று உறுதி செய்யப்பட்டுள்ளது. இதனால் தமிழகத்தில் கொரோனாவால் பாதிக்கப்பட்டோர் எண்ணிக்கை 7,16,751-ஆக உயர்ந்துள்ளது. இன்று ஒரே நாளில் கொரோனா தொற்றால் 35 பேர் உயிரிழந்தனர். இதனால் தமிழகத்தில் இதுவரை உயிரிழந்தோர் எண்ணிக்கை 11,018-ஆக அதிகரித்துள்ளது.
சென்னையில் இற்று ஒரே நாளில் 688 பேர் வைரஸ் தொற்றுக்கு ஆளாகி உள்ளனர். இவர்களுடன் சேர்த்து சென்னையில் இதுவரை கொரோனாவால் பாதிக்கப்பட்டோர் எண்ணிக்கை 1,97,751-ஆக உயர்ந்துள்ளது. தமிழகத்தில் இன்று 3,859 பேர் கொரோனாவில் இருந்து குணமடைந்தனர். இதுவரை 6,79,377 பேர் கொரோனாவில் இருந்து மீண்டு வந்து இருக்கின்றனர்.
தமிழக உலக சுகாதாரத்துறை வெளியிட்டுள்ள அறிக்கையின்படி அனைத்து மாவட்டங்களிலும் இன்று கொரோனா பாதிப்பு உறுதி செய்யப்பட்டுள்ளது. கோவையில் 218 பேருக்கும், ஈரோட்டில் 155 பேருக்கும், சேலத்தில் 147 பேருக்கும், செங்கல்பட்டில் 150 பேருக்கும், திருவள்ளூரில் 138 பேருக்கு பாதிப்பு ஏற்பட்டுள்ளது.