ஜெர்மன் தொழில்நுட்ப மழைநீர் வடிகால் வாரியம் கட்டமைப்பால் நேற்று ஒரே நாளில் பெய்த மழையில் சென்னை வடபழனி ஆலயத்தில் குளத்திற்கு தண்ணீர் கணிசமாக கிடைத்துள்ளது.
சென்னை வடபழனி முருகன் கோவில் அருகே ஜெர்மன் தொழில் நுட்பத்தினால் ஆன மழைநீர் வடிகால் திட்டம் கடந்த மாதம் அமல்படுத்தப்பட்டது. கோவில் நுழைவாயிலில் இருக்கும் 320 மீட்டர் சாலையின் ஓரத்தில் 5 அடி ஆழத்திற்கு பள்ளம் தோண்டி ஜெர்மன் நாட்டு தொழில் நுட்பத்துடன் மழைநீர் ஊடுருவல் வடிகால் திட்டம் அமல்படுத்தப்பட்டது.
கடந்த பத்தாண்டு காலமாக வறண்டிருந்த கோவில் குளத்தில் இதன் மூலம் தண்ணீர் கிடைத்துள்ளது. குளத்தை தூர்வாரி பராமரிப்பு செய்தால் கோவிலை சுற்றியுள்ள பகுதிகளில் நிலத்தடி நீர்மட்டம் மேலும் உயர வாய்ப்பு உள்ளதாக பொதுமக்கள் தெரிவித்துள்ளனர்.