மும்பைக்கு அடுத்து நாங்க தாண்டா…! பாய்ச்சல் வேகத்தில் செல்லும் ஹைதராபாத் …!!

ஐபிஎல் தொடரில் நேற்று நடந்த லீக் போட்டியில் ராயல் சேலஞ்சர்ஸ் பெங்களூரு அணி – சன்ரைசர்ஸ் ஹைதராபாத் அணியுடன் மோதியது.  இதில் முதலில் களமிறங்கிய பெங்களூரு அணி வீரர்கள் அடுத்தடுத்து சொற்ப ரன்களில் ஆட்டமிழந்து பெவிலியன் திரும்பினர். இதனால் 20 ஓவர்கள் முடிவில் பெங்களூரு அணி 7 விக்கெட்டுகளை இழந்து 120 ரன்களை மட்டுமே எடுத்தது.

இதனைத் தொடர்ந்து எளிய இலக்கை நோக்கிக் களமிறங்கிய ஹைதராபாத் அணிக்கு தொடக்கத்திலேயே அதிர்ச்சி காத்திருந்தது. அணியின் கேப்டன் டேவிட் வார்னர் 8 ரன்களில் ஆட்டமிழந்து ஏமாற்றமளித்தார். பின்னர் ஜோடி சேர்ந்த மனீஷ் பாண்டே-சஹா இணை நிதான ஆட்டத்தை வெளிப்படுத்தி, அணியின் ஸ்கோரை உயர்த்தினர். இதில் சிறப்பான ஆட்டத்தை வெளிப்படித்தி வந்த மனீஷ் பாண்டே, 26 ரன்களில் விக்கெட்டை இழந்தார்.மறுமுனையில் தொடர்ந்து நிதான ஆட்டத்தை வெளிப்படுத்தி வந்த சஹாவும் 39 ரன்களில் ஆட்டமிழந்து பெவிலியன் திரும்பினார்.

மேட்ச் தொடங்கும் முன்புள்ள புள்ளி பட்டியல்:

பின்னர் வந்த ஜேசன் ஹோல்டரின் அதிரடியான ஆட்டத்தால் ஹைதராபாத் அணி நிர்ணயிக்கப்பட்ட இலக்கை 14.1 ஓவர்களில் எட்டியது. இதன் மூலம் சன்ரைசர்ஸ் ஹைதராபாத் அணி 5 விக்கெட் வித்தியாசத்தில் ராயல் சேலஞ்சர்ஸ் பெங்களூரு அணியை வீழ்த்தி அபார வெற்றி பெற்றது. அந்த அணியில் அதிகபட்சமாக விருத்திமான் சஹா 39 ரன்களைக் குவித்தார். இந்த வெற்றியின் மூலம் புள்ளி பட்டியலில் 7ஆவது இடத்தில இருந்த ஹைதராபாத் அணி 4ஆவது இடத்துக்கு முன்னேறியது. அது மட்டுமல்லாமல் மும்பைக்கு அடுத்தபடியாக நெட் ரன் ரோட்டில் + என்ற விகிதத்தில் ஹைதராபாத் அணி மட்டுமே உள்ளது.

தற்போதைய புள்ளி பட்டியல்: