சிறுமி ஒருவர் 5 நிமிடத்தில் 3 தென்னை மரங்களில் ஏறி இறங்கும் சம்பவம் பலரையும் ஆச்சர்யப்பட வைத்துள்ளது.
திருநெல்வேலி மாவட்டம் வி.கே புரத்தைச் சேர்ந்த தம்பதிகள் மார்ட்டின் விஜயதுரை-ரேணுகா. இவர்களுக்கு சாம் ஆல்வின்(10) என்ற மகனும், ஹெப்சிகேனா(7) என்ற மக்களும் உள்ளனர். ஆல்வின் ஐந்தாம் வகுப்பும், ஹெப்சிகேனா இரண்டாம் வகுப்பும் படித்து வருகிறார்கள். விஜயதுரை பாபநாசத்தில் உணவகம் ஒன்று நடத்தி வருகிறார். இவர் வீட்டில் நிறைய தென்னை மரங்கள் வளர்த்து வருகிறார். இந்நிலையில் தற்போது கொரோனாவினால் பள்ளிகல் திறக்காததால் தன்னுடைய மகளுக்கு தென்னை மரத்தில் ஏறுவதற்கு பயிற்சி அளித்து வந்திருக்கிறார்.
இதையடுத்து ஹெப்சிகேனா தற்போது யாருடைய உதவியும் இல்லாமல் 25 அடி உயரமுள்ள தென்னை மரத்தில் ஏறி இருக்கிறார். இதையடுத்து ஐந்து நிமிடத்தில் 25 அடி உயரமுள்ள மூன்று தென்னை மரங்களில் மிக வேகமாக ஏறி இறங்கி அனைவரையும் வியப்பில் ஆழ்த்தியுள்ளார். இதுகுறித்து விஜயதுரையின் சகோதரர் ஜஸ்டின் கூறுகையில், “தற்போது ஹெப்சிகேனா ஐந்து நிமிடத்தில் 3 தென்னை மரங்களில் ஏறி இறங்குகிறார். இன்னும் இதைவிட வேகமாக, அதிகமான தென்னை மரங்களில் ஏறுவதற்கு பயிற்சி அளித்து வருகிறோம். மேலும் அவர் கின்னஸ் சாதனை படைக்க வேண்டும் என்பது எங்களுடைய விருப்பமாக இருப்பதால் நாங்கள் அவருக்கு தேவையான அனைத்து ஏற்பாடுகளும் செய்து வருகிறோம்” என்று கூறியுள்ளார்.