தென்னை மரம் ஒன்று அதிசயமாக 4 கிளைகளுடன் வளர்ந்ததால் மக்கள் ஆர்வத்துடன் பார்த்து செல்கின்றனர்.
தேனி மாவட்டம் கரட்டுப்பட்டியில் வசிப்பவர் தவச்செல்வம். இவருக்கு சொந்தமாக தென்னந்தோப்பு ஒன்று உள்ளது. இதில் ஏராளமான தென்னை மரங்கள் இருந்த நிலையில் ஒரே ஒரு தென்னை மரம் மட்டும் வித்தியாசமாக வளர்ந்துள்ளது. இருபது அடி உயரமுள்ள இந்த தென்னை மரம் முதலில் மற்ற மரங்களை போன்று தான் வளர்ந்துள்ளது. அதன் பின்னர் 3 வருடங்களுக்கு முன்பு அம்மரத்தில் தனியாக ஒரு கிளை வளர தொடங்கியுள்ளது.
அந்த கிளையில் தேங்காய்கள் காய்க்க தொடங்கியதும், அதற்கு பக்கத்தில் ஒரு கிளையும், அதைத்தொடர்ந்து மற்றொரு கிளையும் மொத்தம் 4 கிளைகள் வளர்ந்துள்ளன. இந்நிலையில் நான்கு கிளைகளிலும் தேங்காய்கள் காய்க்கத் தொடங்கியுள்ளன. இது குறித்து கேள்விப்பட்ட பொதுமக்கள் இந்த அதிசய தென்னை மரத்தை ஆர்வத்துடன் பார்த்து சென்றுள்ளனர்.