அமெரிக்காவில் கொரோனா வைரஸால் பாதிக்கப்பட்டுள்ளவர்களின் எண்ணிக்கை ஒரு கோடியை தாண்டி இருக்கிறது.
210 நாடுகளில் தீவிரமாக பரவி வரும் கோவிட் 19 கொல்லுயிரி அமெரிக்காவில் அதிவேகம் எடுத்துள்ளது. இதுவரை 1 கோடியே 3 லட்சம் பேர் அந்நாட்டில் கொரோனாவால் பாதிக்கப்பட்டுள்ளனர். ஒரே நாளில் மட்டும் 1 லட்சத்து 3 ஆயிரம் பேருக்கு தொற்று உறுதி செய்யப்பட்டுள்ளது. 24 மணி நேரத்தில் 512 பேர் உயிரிழந்துள்ளதை அடுத்து பலியானவர்களின் எண்ணிக்கை 2,43,768 அதிகரித்துவிட்டது. இதையடுத்து பொதுமக்கள் அனைவரும் தரமான முகக்கவசம் அணிய வேண்டும் என்று அமெரிக்க உணவு மற்றும் மருந்து கழகம் அறிவுறுத்தி இருக்கிறது.
கொரோனா வைரஸால் அதிகம் பாதிக்கப்பட்டுள்ள நாடுகளின் பட்டியலில் அமெரிக்கா அவருக்கு அடுத்த இடத்தில் இந்தியா இருக்கிறது. 85 லட்சத்திற்கும் மேற்பட்டவர்களை கொரோனா பிடித்துள்ளது. ஒரு லட்சத்து 26 ஆயிரத்திற்கும் மேற்பட்ட உயிர்களைப் பறித்து சென்றுள்ளது. பிரேசில், பிரான்ஸ், ஸ்பெயின், அர்ஜென்டினா, பிரிட்டன், கொலம்பியா ஆகிய நாடுகளிலும் கொரோனா பரவல் தீவிரமடைந்துள்ளது. உலகம் முழுவதிலும் கொரோனா வைரஸால் பாதிக்கப்பட்டுள்ளவர்களின் எண்ணிக்கை 5 கோடியே 7 லட்சத்தை கடந்து இருப்பது குறிப்பிடத்தக்கது.