தமிழகத்தில் கொரோனா தடுப்பு வழிமுறைகளை தொடர்ந்து கடைபிடிக்காத திரையரங்குகள் மீது உரிய நடவடிக்கை எடுக்கப்படும் என்று செய்தி மற்றும் விளம்பரத்துறை அமைச்சர் கடம்பூர் ராஜு தெரிவித்துள்ளார்.
முதலமைச்சர் எடப்பாடி பழனிசாமி கொரோனா தடுப்பு நடவடிக்கைகள் குறித்து ஆய்வு மேற்கொள்வதற்காக நாளை தூத்துக்குடி பயணம் மேற்கொள்கிறார். இதனையடுத்து சிறப்பு ஏற்பாடுகளை தமிழக செய்தி மற்றும் விளம்பரத்துறை அமைச்சர் பார்வையிட்டார். பின்னர் செய்தியாளர்களிடம் பேசிய அவர் எந்த திரையரங்க இருந்தாலும் 50 சதவிகித இருக்கைகளுக்கு மட்டுமே அனுமதி வழங்கப்படுவதாகவும் தொடர்ந்து விதிமுறைகளை பின்பற்றாத திரையரங்குகள் மீது நடவடிக்கை எடுக்கப்படும் என்றும் தெரிவித்தார்.