நயன்தாரா நடிப்பில் வெளியான மூக்குத்தி அம்மன் திரைப்படம் ஓடிடி தளத்தில் வெளியான சிறிது நேரத்திலேயே திருட்டு இணையதளத்தில் வெளியிடப்பட்டது.
லேடி சூப்பர் ஸ்டார் நயன்தாரா மற்றும் ஆர். ஜே.பாலாஜி நடிப்பில் உருவான ‘மூக்குத்தி அம்மன்’ திரைப்படம் தீபாவளி தினத்தன்று ஓடிடி தளத்தில் வெளியிடப்பட்டது. திரைப்படத்தில் அம்மன் கதாபாத்திரத்தில் நயன்தாரா சிறப்பாக நடித்துள்ளார். மூக்குத்தி அம்மன் திரைப்படம் ஓடிடி தளத்தில் வெளியான சிறிது நேரத்திலேயே திருட்டு இணையதளத்தில் வெளியிடப்பட்டது. இதனால் படக்குழுவினர் அதிர்ச்சியடைந்துள்ளனர்.
இதேபோல் சூர்யா நடிப்பில் கடந்த 12ம் தேதி சூரரைப்போற்று திரைப்படம் ஓடிடி தளத்தில் வெளியான சிறிது நேரத்திலேயே திருட்டு இணையதளத்தில் வெளியானது. தியேட்டர்களில் வெளியாகும் திரைப்படங்கள் திருட்டு இணைய தளங்களில் வெளியாகி வந்த நிலையில் தற்போது ஓடிடி தளத்தில் வெளியாகும் திரைப்படங்களும் திருட்டு இணையதளங்களில் வெளியிடப்படுகிறது.