கேரள மாநிலத்தில் 8 மாவட்டங்களில் கனமழை காரணமாக மஞ்சள் எச்சரிக்கை விடுக்கப்பட்டுள்ளது.
தமிழகத்தில் வடகிழக்கு பருவமழை தொடங்கி உள்ளதால் பல்வேறு இடங்களில் கன மழை பெய்து கொண்டிருக்கிறது. தென்மேற்கு பருவமழையின் தொடக்க இடமான கேரளாவில் வடகிழக்கு பருவமழை பெய்து கொண்டிருக்கிறது. இந்நிலையில் கேரள மாநிலத்தில் 8 மாவட்டங்களில் கனமழை பெய்யும் என திருவனந்தபுரம் வானிலை ஆய்வு மையம் தெரிவித்துள்ளது.
அதனால் திருவனந்தபுரம், கொல்லம், கோட்டையம், எர்ணாகுளம், மலப்புரம், இடுக்கி, கோழிக்கோடு மற்றும் வயநாடு ஆகிய எட்டு மாவட்டங்களுக்கு கனமழை மஞ்சள் எச்சரிக்கை விடுக்கப்பட்டுள்ளது.