ஈரோடு மாவட்டத்தில் எடை கருவியை தொட்ட வடமாநில மின்சாரம் தாக்கி உயிரிழந்த சம்பவம் சோகத்தை ஏற்படுத்தியுள்ளது.
பீகார் மாநிலத்தில் முஜாப்பூர் மாவட்டத்தில் நாகேந்திர சைனி என்பவர் வசித்து வருகிறார். அவருடைய 15 வயது மகன் அஜய் குமார் ஈரோடு மாவட்டம் கிருஷ்ணா டாக்ஸி ரோடு பகுதியில் இருக்கின்ற ஒரு மளிகை கடையில் வேலை செய்து வருகிறான். நேற்று முன்தினம் வியாபார முடிந்த பின்னர் இரவு கடையை அடைப்பதற்கான பணியில் அங்கிருந்த ஊழியர்கள் ஈடுபட்டு கொண்டிருந்தனர். அப்போது எடைபோடும் கருவியின் ஸ்விட்ச் தொகுப்பை சிறுவன் அஜய்குமார் எதிர்பாராமல் தொட்டான்.
அதனால் சிறுவனின் உடலில் மின்சாரம் பாய்ந்தது மயங்கி விழுந்தான். அதனைக் கண்ட சக ஊழியர்கள் சிறுவனை உடனடியாக மீட்டு அரசு மருத்துவமனைக்கு அழைத்துச் சென்றனர். ஆனால் சிறுவனை பரிசோதனை செய்த மருத்துவர்கள் அஜய்குமார் ஏற்கனவே இறந்து விட்டதாக கூறியுள்ளனர். இந்த சம்பவம் பற்றி போலீசார் வழக்கு பதிவு செய்து விசாரணை நடத்தி வருகின்றனர்.