கஷ்மீரில் பேருந்தில் பயணித்து வனப்பகுதியில் பதுங்கி உள்ள பயங்கரவாதிகளை பாதுகாப்பு படையினர் சுற்றி வளைத்த போது கடும் துப்பாக்கிச்சண்டை மூண்டது.
கஷ்மீரிலிருந்து 4 பயங்கரவாதிகள் பேருந்தில் ஜம்மு நோக்கி வருவதாகவும் அவர்கள் தாக்குதல் நடத்த திட்டமிட்ட இருப்பதாகவும் பாதுகாப்பு படையினருக்கு ரகசிய தகவல் கிடைத்தது. இதனையடுத்து ஜம்மு-காஷ்மீர் தேசிய நெடுஞ்சாலையில் உள்ள நகர்ஒட்டா மாவட்டத்தில் உள்ள வாகன சோதனை சாவடி பகுதியில் படையினர் குவிக்கப்பட்டு நெடுஞ்சாலை முடக்கப்பட்டது. பாதுகாப்பு படையினர் இருப்பதை அறிந்த பயங்கரவாதிகள் பேருந்தில் இருந்து தப்பித்து அருகில் இருந்த காட்டுப் பகுதியில் பதுங்கி உள்ளனர்.
அவர்களை பாதுகாப்பு படையினர் சுற்றிவளைத்தனர் அப்போது பயங்கரவாதிகள் துப்பாக்கிச்சூடு நடத்தினர் இதனை முறியடிக்க பாதுகாப்பு படையினரும் துப்பாக்கிச்சூடு நடத்தி பயங்கரவாதிகளை தேடும் பணியில் ஈடுபட்டுள்ளனர்