மத்திய உள்துறை அமைச்சரும் பாஜக மூத்த தலைவர்களில் ஒருவருமான அமித்ஷாவின் வருகையையொட்டி சென்னை நகரம் முழுவதும் சுமார் 3,000 போலீசார் பாதுகாப்பு பணியில் ஈடுபடுத்தப்பட்டுள்ளனர்.
இரண்டு நாள் பயணமாக இன்று பிற்பகல் 1.40 மணியளவில் சென்னை வரும் அமித்ஷா அங்கிருந்து எம்ஆர்சி நகரில் உள்ள நட்சத்திர ஹோட்டலுக்கு சென்று ஓய்வெடுக்கிறார். அதை தொடர்ந்து அங்கிருந்து மாலை 4 மணிக்கு கலைவாணர் அரங்கம் செல்லும் அவர் அங்கு மெட்ரோ ரயில் விரிவாக்கத் திட்ட ம் சென்னை அருகே அமையும் நீர்த்தேக்கத் திட்டம் ஆகியவற்றை காணொலிக்காட்சி மூலம் திறந்து வைக்கிறார்.
அவரது வருகையையொட்டி சென்னை விமான நிலையம் ஜி எஸ் டி சாலை, காந்தி மண்டபம், அடையாறு ஆகிய பகுதிகள் காவல்துறையின் பாதுகாப்பு வளையத்திற்குள் கொண்டு வரப்பட்டுள்ளன. சுமார் 3,000 போலீசார் பாதுகாப்பு பணியில் ஈடுபடுத்தபட்டுள்ளனர். கலைவாணர் அரங்கம் விமான நிலையம் போன்ற இடங்களில் துப்பாக்கி ஏந்திய போலீசார் நிறுத்தப்பட்டுள்ளனர்.