நடிகர் விஜய்யின் அடுத்த திரைப்படத்தை இயக்குனர் நெல்சன் இயக்கவுள்ளதாக தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் தளபதி விஜய்யின் ‘மாஸ்டர்’ திரைப்படம் பொங்கலுக்கு வெளியாகவுள்ளது. இதையடுத்து விஜய்யின் தளபதி 65 இயக்குவது யார்? என்ற எதிர்பார்ப்பில் ரசிகர்கள் உள்ளனர். இந்நிலையில் கோலமாவு கோகிலா படத்தின் மூலம் அனைவரது கவனத்தையும் ஈர்த்த இயக்குனர் நெல்சன் விஜய்யின் அடுத்த திரைப்படத்தை இயக்கப் போவதாக தகவல் வெளியாகியுள்ளது.
தற்போது நெல்சன் இயக்கத்தில் சிவகார்த்திகேயன் நடிப்பில் ‘டாக்டர்’ திரைப்படம் தயாராகியுள்ளது.இந்நிலையில் இயக்குனர் நெல்சன் நடிகர் விஜய்யிடம் முழுக்க முழுக்க காமெடியான கதையை சொல்லியிருப்பதாகவும் அவர் கூறிய கதை பிடித்திருந்ததால் விஜய் ஓகே சொல்லிவிட்டதாகவும் தகவல் வெளியாகியுள்ளது. இவர்கள் கூட்டணியில் உருவாகப்போகும் திரைப்படத்திற்காக ஆவலுடன் உள்ளனர் விஜய் ரசிகர்கள் .