நடிகர் தனுஷின் ரகிட ரகிட பாடலுக்கு இயக்குனர் செல்வராகவன் நடனமாடிய வீடியோவை சமூக வலைதளத்தில் வெளியிட்டுள்ளார்.
தமிழ் திரையுலக பிரபல நடிகர் தனுஷின் நடிப்பில் இயக்குனர் கார்த்திக் சுப்புராஜ் இயக்கத்தில் உருவாகியுள்ள திரைப்படம் ‘ ஜகமே தந்திரம்’ . மே மாதம் திரைக்கு வரவேண்டிய இந்த திரைப்படம் கொரோனா ஊரடங்கால் தாமதமாகியுள்ளது. கடந்த மூன்று மாதங்களுக்கு முன்னர் இந்த திரைப்படத்தின் ‘ ரகிட ரகிட ‘ பாடல் வெளியாகி நல்ல வரவேற்பை பெற்றது.
இந்தப் பாடலுக்கு குழந்தைகள் முதல் இளைஞர்கள் வரை பலரும் நடனமாடிய வீடியோக்கள் சமூக வலைத்தளங்களில் பரவி வந்தது. இந்நிலையில் பிரபல இயக்குனர் செல்வராகவன் இந்த பாடலுக்கு காருக்குள் அமர்ந்தபடி நடனமாடி ‘என் ரகிட ரகிட நடனம் ‘ என பதிவிட்டு வீடியோவை வெளியிட்டுள்ளார்.