புயல் முன்னெச்சரிக்கை நடவடிக்கையாக ரயில்கள் அனைத்தும் ரத்து செய்யப்படுகிறது என தெற்கு ரயில்வே தெரிவித்துள்ளது.
வங்கக் கடலில் நிலை கொண்டிருந்த காற்றழுத்த தாழ்வு மண்டலம் தற்போது வலுவடைந்து நிவர் புயலாக உருவெடுத்துள்ளது. அந்தப் புயல் தீவிர புயலாக வலு பெறும் என்று வானிலை ஆய்வு மையம் எச்சரிக்கை விடுத்துள்ளது. இந்நிலையில் பல மாவட்டங்களில் கன மழை பெய்து கொண்டிருக்கிறது. அதனால் தொடர்ந்து மக்கள் பாதுகாப்பாக இருக்க அறிவுறுத்திய அரசு, முன்னெச்சரிக்கை நடவடிக்கைகளை மேலும் தீவிரப்படுத்தி உள்ளது.
அதனால் புயல் காரணமாக உழவன், சோழன் ரயில்கள் இரண்டு நாட்களுக்கு ரத்து செய்யப்படுவதாக தெற்கு ரயில்வே அறிவித்துள்ளது. அதுமட்டுமன்றி மயிலாடுதுறை மற்றும் மைசூர் ரயில் இன்றும் நாளையும் திருச்சி வரை மட்டுமே இயக்கப்படும் என்றும் தெரிவித்துள்ளது.