இயக்குனர் கவுதம் மேனன் இயக்கியுள்ள குறும்படத்தில் நடிகர் சூர்யா ஒரே வாரத்தில் நடித்து முடித்துள்ளார்.
தமிழ் திரையுலகின் முன்னணி இயக்குனரான மணிரத்னம் ,ஜெயந்திராவுடன் இணைந்து ‘நவரசா’ என்ற ஆந்தாலஜி திரைப்படத்தை தயாரித்து வருகிறார். கவுதம் மேனன், கார்த்திக் நரேன், பொன்ராம், ஹலிதா ஷமீம், கே.வி.ஆனந்த், பிஜாய் நம்பியார், அரவிந்த்சாமி , ராஜேந்திர பிரசாத் ,கார்த்திக் சுப்புராஜ் ஆகிய ஒன்பது இயக்குனர்கள் இயக்கும் இந்த ஆந்தாலஜி திரைப்படம் நவரசங்களை அடிப்படையாகக் கொண்டு உருவாகிறது .
கொரோனாவால் கடும் பாதிப்பை சந்தித்துள்ளது திரையுலகிற்கு நிதி திரட்டும் நோக்கில் இந்த திரைப்படத்தை எடுக்கின்றனர். இதில் இயக்குனர் கவுதம் மேனன் இயக்கும் குறும்படத்தில் நடிகர் சூர்யா கதாநாயகனாக நடித்துள்ளார். கடந்த வாரம் தொடங்கப்பட்ட இந்த குறும்படத்தின் படப்பிடிப்பை ஒரே வாரத்தில் நடத்தி முடித்துள்ளனர்.