பிரபல ஹிந்தி நடிகர் அசீஷ் ராய் திடீர் மரணம்… சோகத்தில் திரையுலகினர் …!!

பிரபல ஹிந்தி நடிகர் அசீஷ் ராய் கிட்னி பிரச்சினையால் சிகிச்சை பெற்று வந்த நிலையில் நேற்று உயிரிழந்துள்ளார்.

ஹிந்தியில் வெளியான  ‘நேதாஜி சுபாஷ் சந்திரபோஸ்: த ஃபர்காட்டன் ஹீரோ ‘ என்ற திரைப்படத்தில் போலீசாக நடித்து புகழ் பெற்றவர் நடிகர் அசீஷ் ராய். இவர் ஹோம் டெலிவரி, பர்கா, ராஜா நட்வாரியல், மேரே பஹேலா பஹேலா பியார் உள்ளிட்ட பல்வேறு திரைப்படங்களில் நடித்துள்ளார். மேலும் பல்வேறு சின்னத்திரை தொடர்களிலும் நடித்து பிரபலமடைந்தார். இந்நிலையில் இவர் கடந்த மே மாதம் உடல்நலக்குறைவால் மும்பையில் உள்ள தனியார் மருத்துவமனையில் அனுமதிக்கப்பட்டார். அதில் இவருக்கு கிட்னி தொடர்பான பிரச்சனை இருந்தது தெரியவந்தது.

இதையடுத்து அசீஷ் ராய் உடல்நிலை மிக மோசமாக இருப்பதாகவும்  சிகிச்சைக்கு பணம் இல்லாததால் உதவி கேட்டும்  பேஸ்புக்கில் உருக்கமாக பதிவிட்டிருந்தார். இவருடன் நடித்த சக நடிகர்கள் இவருக்கு உதவியுள்ளனர். இந்நிலையில் நேற்று அசிஷ் ராய் மும்பையில் உள்ள அவரது வீட்டில் உயிரிழந்துள்ளார். அவரது திடீர் மரணத்தால் திரையுலகினர் அதிர்ச்சியில் உள்ளனர். மேலும் நடிகர் ,நடிகைகள் சமூக வலைத்தளங்களில் இரங்கல் தெரிவித்துவருகின்றனர்.