சென்னையில் தொடர் கனமழை காரணமாக முன்னாள் முதல்வர் கருணாநிதியின் இல்லத்தில் மழைநீர் புகுந்துள்ள புகைப்படம் வெளியாகியுள்ளது.
வங்க கடலில் உருவாகியுள்ள காற்றழுத்த தாழ்வு மண்டலம் புயலாக வலுவடைந்துள்ளது. அதனால் இன்று மாமல்லபுரம் மற்றும் காரைக்கால் இடையே நிவர் புயல் கரையை கடக்க உள்ளது. அதனால் சென்னை உள்ளிட்ட பல்வேறு இடங்களில் கன மழை பெய்து கொண்டிருக்கிறது. மேலும் கனமழை காரணமாக சென்னையில் தாழ்வான பகுதிகளில் மழை நீர் சூழ்ந்துள்ளது.
அதன்படி தொடர் கனமழையால் சென்னையில் உள்ள முன்னாள் முதல்வர் கருணாநிதி இல்லத்தில் மழை நீர் புகுந்துள்ளது. அந்த புகைப்படம் இணையதளத்தில் வைரலாக பரவிக் கொண்டிருக்கிறது. அதனைப் போலவே அசோக் நகர் மற்றும் கேகே நகர் உள்ளிட்ட பல்வேறு பகுதிகளில் வீடுகளுக்குள் மழைநீர் தேங்கியுள்ளது. அதனால் பொதுமக்கள் மிகுந்த சிரமத்திற்கு உள்ளாகியுள்ளனர்.