தளபதி விஜயின் 65வது படத்தில் கதாநாயகியாக நடிக்க பிரபல பாலிவுட் நடிகையிடம் பேச்சுவார்த்தை நடப்பதாக தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் தளபதி விஜய்யின் ‘மாஸ்டர்’ திரைப்படம் பொங்கலுக்கு வெளியாகவுள்ளது. இதையடுத்து தளபதி 65 திரைப் படத்தை இயக்கப்போவது யார்? என ரசிகர்கள் எதிர்பார்ப்பில் உள்ளனர். இயக்குனர் ஏ.ஆர். முருகதாஸ் தளபதி 65 படத்தை இயக்குவதாக இருந்தது. ஆனால் ஒரு சில காரணங்களுக்காக அவர் படத்திலிருந்து விலகிவிட்டார். இந்நிலையில் விஜய்யின் 65வது திரைப்படத்தை இயக்க நெல்சன், எஸ். ஜே. சூர்யா, பேரரசு ,மகிழ்திருமேனி உள்ளிட்ட பலருக்கு வாய்ப்பு இருப்பதாக கூறப்பட்டு வருகிறது.
இந்நிலையில் விஜய்யின் அடுத்த படத்தில் கதாநாயகியாக நடிக்க பாலிவுட் பிரபல நடிகை தீபிகா படுகோனேவிடம் பேச்சுவார்த்தை நடைபெற்று வருவதாக கூறப்படுகிறது. மேலும் வில்லனாக நடிக்க பிரபல பாலிவுட் நடிகர் ஜான் ஆபிரகாமிடமும் பேச்சுவார்த்தை நடப்பதாக தகவல்கள் வெளியாகியுள்ளது. இதுகுறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.