நெற்குன்றத்தில் மதுபோதையில் தாயை அடித்துக் கொன்ற மகனை போலீசார் கைது செய்துள்ளனர்.
சென்னை நெற்குன்றம் பெருமாள் கோயில் தெருவை சேர்ந்த ஆதி அம்மாள் என்பவரின் மகன் மகேஷ். இவர் மதுப்பழக்கத்திற்கு அடிமையாகி விட்டதால், குடித்துவிட்டு வந்து அடிக்கடி அவரது தாயாரிடம் தகராறில் ஈடுபட்டு வந்துள்ளார். இந்நிலையில் நேற்று மீண்டும் குடித்துவிட்டு வந்து அவர் தகராறில் ஈடுபட்டுள்ளார். வாக்குவாதம் முற்றவே ஆத்திரமடைந்த மகேஷ் வீட்டில் இருந்த இரும்பு பைப்பை எடுத்து ஆதி அம்மாள் தலையில் ஓங்கி அடித்து உள்ளார்.
இதில் படுகாயமடைந்த ஆதி அம்மாள் சம்பவ இடத்திலேயே பரிதாபமாக உயிரிழந்தார். மேலும் காலையில் உறவினர் சென்று பார்த்தபோது அவர் கொலை செய்யப்பட்டதை கண்டு அதிர்ச்சி அடைந்தனர். பின்னர் காவல் நிலையத்திற்கு தகவல் அளித்தனர். சம்பவ இடத்திற்கு வந்த கோயம்பேடு உதவி ஆணையர் ஜெயராமன் மூதாட்டியின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் கொலை தொடர்பாக மகேஸை கைது செய்த போலீசார் அவரிடம் விசாரணை மேற்கொண்டு வருகின்றனர்.