ஆழ்வார் திருநகரியில் உள்ள கோவிலில் ஆதி நாயகி என்ற யானை தினமும் காபி குடிப்பதை அப்பகுதி மக்கள் ஆச்சரியத்துடன் பார்த்து செல்கிறார்கள்.
தூத்துக்குடி மாவட்டத்தில் உள்ள நவதிருப்பதி கோவில்களில் கடைசி தளமான ஆழ்வார் திருநகரி ஆதிநாதர் ஆழ்வார் கோவிலில் ஆதி நாயகி என்ற பெயரில் யானை ஒன்று உள்ளது. அந்த யானையைப் பாகன் ஒருவர் பராமரித்து வருகின்றார். தினமும் காலையில் அந்த யானையை பாகன் நடை பயிற்சிக்கு அழைத்து செல்வார். அவ்வாறே நடைப்பயிற்சிக்கு செல்லும்போது மேல பஜாரில் இருக்கின்ற ஒரு காபி கடையில் பாகன் தினமும் காப்பி குடித்து வந்துள்ளார்.
அப்போது நன்கு ஆற்றப்பட்ட சூடு குறைந்த காட்சி ஒன்றை வாங்கி தனது யானைக்கு அவர் கொடுக்கிறார். அதனை ஆதிநாயகி யானை மிகுந்த ஆர்வத்துடன் விரும்பி குடிக்கிறது. இதனையடுத்து தினமும் காலையில் அந்த யானை கடையில் காபி அருந்த தவறுவது கிடையாது. ஒரு யானை காபி குடிப்பதை அப்பகுதி மக்கள் அனைவரும் பெரும் ஆச்சரியத்துடன் பார்த்து செல்கிறார்கள்.