இயக்குனர் ஹரி இயக்கத்தில் நடிகர் விக்ரம் நடிக்கவுள்ள திரைப்படத்தில் கதாநாயகியாக ராசி கண்ணா நடிக்கவுள்ளார்.
தமிழ் திரையுலகில் முன்னணி கதாநாயகனாக வலம் வரும் விக்ரம் பல ஹிட் படங்கள் கொடுத்து ரசிகர்களை கவர்ந்தவர். தற்போது இவர் நடிப்பில் கோப்ரா திரைப்படம் தயாராகிக் கொண்டிருக்கிறது. இந்நிலையில் அடுத்ததாக நடிகர் விக்ரம் இயக்குனர் ஹரி இயக்கத்தில் நடிக்கவுள்ளார். ஏற்கனவே விக்ரம் மற்றும் ஹரி கூட்டணியில் உருவான சாமி மற்றும் சாமி – 2 திரைப்படங்கள் சூப்பர் ஹிட் ஆனது.
இந்நிலையில் தற்போது மூன்றாவது முறையாக இணைகின்றனர். இதையடுத்து இந்த திரைப்படத்தில் கதாநாயகியாக நடிக்க பிரபல நடிகை ராசி கண்ணா ஒப்பந்தமாகியுள்ளாராம். இதனால் ஆக்ஷன் மற்றும் காதல் கலந்த படமாக இருக்கும் என ரசிகர்கள் எதிர்பார்ப்பில் உள்ளனர். தற்போது ராசி கண்ணா அரண்மனை-3, துக்ளக் தர்பார், சைத்தான் கே பச்சா ஆகிய திரைப்படங்களில் நடித்து வருகிறார்.