நடிகர் சூர்யா இயக்குனர் பாண்டிராஜ் இயக்கத்தில் நடிக்கவுள்ள படம் குறித்த தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் நடிகர் சூர்யா ‘சூரரைப்போற்று’ திரைப்படத்தில் தனது அட்டகாசமான நடிப்பை வெளிப்படுத்தியிருந்தார். இந்தத் திரைப்படத்தை ரசிகர்களும் விமர்சகர்களும் மற்றும் பிரபலங்களும் பாராட்டி வருகின்றனர். இதையடுத்து நடிகர் சூர்யா நடிக்க உள்ள ‘சூர்யா 40’ படம் குறித்த தகவல் வெளியாகியுள்ளது. இந்த திரைப்படத்தை சன் பிக்சர்ஸ் நிறுவனம் தயாரிக்கிறது.
இயக்குனர் பாண்டிராஜ் இயக்கவுள்ள இந்த திரைப்படத்தின் ஆரம்பகட்ட பணிகள் முடிவடைந்து விட்டதாகவும், விரைவில் படப்பிடிப்பு தொடங்க இருப்பதாகவும் தகவல்கள் வெளியாகியுள்ளது. இதனால் உற்சாகத்தில் உள்ளனர் சூர்யாவின் ரசிகர்கள். இதையடுத்து நடிகர் சூர்யா இயக்குனர் வெற்றிமாறன் இயக்கத்தில் ‘வாடிவாசல்’ திரைப்படத்தில் இணைவார் என எதிர்பார்க்கப்படுகிறது.