தமிழகத்தில் திரையரங்குகளில் ரசிகர்களின் வருகை குறைந்துள்ளதால் 300க்கும் மேற்பட்ட திரையரங்குகள் மூடப்பட்டுள்ளதாக தகவல் வெளியாகியுள்ளது.
தமிழகத்தில் கொரோனா அச்சுறுத்தல் காரணமாக ஊரடங்கு அமலில் உள்ளது. தற்போது தளர்வுகளுடன் கூடிய ஊரடங்கு அமல்படுத்தப்பட்டுள்ளது. இதனையடுத்து முதலமைச்சர் பல்வேறு தளர்வுகளை அறிவித்து வருகிறார். அதன்படி கடந்த 7 மாதங்களாக மூடப்பட்டிருந்த திரையரங்குகள் விதிமுறைகளுடன் கடந்த மாதம் திறக்கப்பட்டன. இந்நிலையில் தமிழகத்தில் ரசிகர்களின் வருகை குறைந்ததால் 300க்கும் மேற்பட்ட திரையரங்குகள் மூடப்பட்டதாக திரையரங்க உரிமையாளர் சங்கம் தகவல் தெரிவித்துள்ளது.
அதுமட்டுமன்றி பெரிய படங்கள் எதுவும் வெளியாகாத காரணத்தால் ரசிகர்களின் வருகை முற்றிலும் குறைந்துள்ளது. அதனால் திரையரங்குகளை மூடும் நிலை ஏற்பட்டுள்ளது. மேலும் பொங்கலுக்கு பெரிய படங்கள் வெளியாகும் என்பதால், திரையரங்குகள் முழுவதுமாக திறக்கப்பட வாய்ப்பு உள்ளது.