பிக்பாஸ் -4 நிகழ்ச்சியில் இன்று வெளியான முதல் புரோமோவில் வீட்டில் ‘புதியமனிதா’ டாஸ்க் கொடுக்கப்பட்டுள்ளது.
நடிகர் கமல்ஹாசன் தொகுத்து வழங்கும் பிக்பாஸ்-4 நிகழ்ச்சி 60 நாட்களை கடந்து மிக விறுவிறுப்பாக நடைபெற்றுக் கொண்டிருக்கிறது. கடந்த ஞாயிற்றுக்கிழமை மக்களின் குறைவான வாக்குகளைப் பெற்று சனம் செட்டி வெளியேற்றப்பட்டார். இந்நிலையில் இன்று வெளியான முதல் புரோமோவில் பிக்பாஸ் ஹவுஸ்மேட்ஸ்களுக்கு ‘புதிய மனிதா’ டாஸ்க் கொடுக்கப்பட்டுள்ளது. அதில் மனிதர்கள் மற்றும் ரோபோக்கள் என இரு அணிகளாக போட்டியாளர்கள் பிரிக்கப்பட்டுள்ளனர். பாலாஜி தலைமையில் மனிதர்கள் அணிக்கும், அர்ச்சனா தலைமையில் ரோபோ அணிக்கும் இடையில் போட்டி நடைபெறவுள்ளது. பாலா அணியில் அனிதா, ஆரி, ஆஜித், நிஷா, ரியோ ஆகியோர் உள்ளனர்.
அடுத்ததாக அர்ச்சனா அணியில் சிவானி, ரமேஷ், ரம்யா, சோம், கேபி ஆகியோர் உள்ளனர். மனிதர்களின் உணர்வுகளான மகிழ்ச்சி, துக்கம், கோபம் ஆகிய ஏதாவது உணர்வுகளை மனிதர்கள் அணி ரோபோக்களிடமிருந்து வர வைக்க வேண்டும் .இதில் மனித உணர்வுகளை ரோபோக்களுக்கு வரவைக்க அனிதா கருப்பு ஆடு ,ராஜா வீட்டு கண்ணுக்குட்டி என்றெல்லாம் உசுப்பேற்றியும் ரோபோக்கள் அசையவில்லை . இதையடுத்து அனிதா முட்டையை உடைத்து கிண்ணத்தில் வைத்து அதை அர்ச்சனா முகத்தில் தடவ வைக்கிறார். பின்னர் ஆரி மற்றும் நிஷா முன்னிலையில் அர்ச்சனா கண்ணில் கண்ணீர் சிந்துகிறது. இப்படியாக இன்று வெளியான இந்த முதல் புரோமோவால் இன்றைய எபிசோடை காண ரசிகர்கள் மிக ஆவலாக உள்ளனர்.
#Day65 #Promo1 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/njBN8zVafO
— Vijay Television (@vijaytelevision) December 8, 2020