டெல்லியில் விவசாயிகள் நடத்தும் போராட்டத்திற்கு ஆதரவாக தஞ்சை சரபோஜி அரசு கல்லூரி வாயில் முன்பு இந்திய மாணவர் சங்கத்தினர் போராட்டம் நடத்துகின்றனர்.
மத்திய அரசு நிறைவேற்றியுள்ள வேளாண் சட்டங்களுக்கு எதிர்ப்பு தெரிவித்து டெல்லியில் விவசாயிகள் தொடர் போராட்டம் நடத்தி வருகின்றன. பல்வேறு மாநிலங்களில் உள்ள லட்சக்கணக்கான விவசாயிகள் அங்கு ஒன்று திரண்டு இரவு பகல் பாராமல் போராடி வருகிறார்கள். அவர்களின் போராட்டத்தை கலைக்க போலீசார் பல்வேறு முயற்சிகளை மேற்கொண்ட போதிலும் எந்த ஒரு பலனும் இல்லை.
அதுமட்டுமன்றி மத்திய அரசு விவசாயிகளுடன் பல்வேறு கட்ட பேச்சுவார்த்தை நடத்தியது. இருந்தாலும் எந்த ஒரு முடிவும் எட்டப்படவில்லை. வேளாண் சட்டத்தை முழுவதுமாக திரும்ப பெறும் வரையில் எங்கள் போராட்டம் தொடரும் என விவசாயிகள் தெரிவித்துள்ளனர்.இந்நிலையில் நேற்று நாடு முழுவதும் பாரத் பந்த் போராட்டம் நடந்தது. அதில் லட்சக்கணக்கான விவசாயிகள் மற்றும் பொதுமக்கள் அனைவரும் கலந்து கொண்டனர்.
இந்நிலையில் விவசாயிகளுக்கு பல்வேறு துறையினர் மற்றும் தொழிற் சங்கத்தினர் அனைவரும் ஆதரவு அளித்து வருகிறார்கள். இதனை அடுத்து தமிழகத்தில் தஞ்சை சரபோஜி அரசு கல்லூரி வாயில் முன் இந்திய மாணவர் சங்கத்தினர் போராட்டம் நடத்தி வருகிறார்கள்.