நடிகர் சிவகார்த்திகேயன் நடிப்பில் தயாராகியுள்ள ‘டாக்டர்’ திரைப்படம் ரிலீஸ் குறித்த தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் நடிகர் சிவகார்த்திகேயன் தனக்கென தனி ரசிகர் பட்டாளத்தை கொண்டிருப்பவர். இவர் நடிப்பில் வெளியான ஏராளமான திரைப்படங்கள் செம ஹிட் ஆனது. தற்போது இவர் நடிப்பில் தயாராகியுள்ள திரைப்படம் ‘டாக்டர்’.
இயக்குனர் நெல்சன் இயக்கியுள்ள இந்த படத்தில் கதாநாயகியாக பிரியங்கா மோகன் நடித்துள்ளார். இந்தப் படத்திற்கு அனிருத் இசையமைத்துள்ளார். இந்நிலையில் இந்த திரைப்படத்தின் ஓடிடி ரிலீஸ் உரிமையை பிரபல நெட்பிளிக்ஸ் நிறுவனம் பெற்றுள்ளதாக தகவல் வெளியாகியுள்ளது. ஆனால் இந்தப் படம் நேரடியாக ஓடிடியில் ரிலீஸ் இல்லை என்றும் முதலில் திரையரங்குகளில் வெளியிடப்படும் அதன்பின்னரே ஓடிடியில் வெளியாகும் என்றும் கூறப்படுகிறது.