பாலிவுட் நடிகரான சோனு சூட் அவர்கள் ஏழைகளுக்கு உதவ தன்னுடைய 10 கோடி மதிப்பிலான சொத்துக்களை அடமானம் வைத்துள்ளதாக தெரியவந்துள்ளது
கொரோனா காரணமாக கடந்த மார்ச் மாதம் ஊரடங்கு பிறப்பிக்கப்பட்டதில் இருந்து தற்போது வரை சோனு சூட் தன்னால் இயன்ற உதவிகளை பலருக்கும் செய்து வருகிறார்.முக்கியமாக புலம்பெயர் தொழிலாளர்கள், தங்கள் சொந்த ஊருக்கு செல்ல முடியாமல் இருந்ததால் பஸ் வசதி கொடுத்தது, ரஷ்யாவில் இருந்து தமிழகத்தை சேர்ந்த மருத்துவ மாணவர்கள் தனது தாயகத்திற்கு திரும்ப விமானம் ஏற்பாடு செய்து கொடுத்தது, விவசாயிக்கு டிராக்டர் வாங்கிக் கொடுத்தது, ஏழை மாணவர்களுக்கு மொபைல் போன் வாங்கி கொடுத்தது,போன்ற பல உதவிகளைச் அவர் செய்துள்ளார் .
இப்படி மனித நேயமிக்க உதவிகளை செய்து வந்த சோனு சூட் அவர்களுக்கு பொருளாதார நெருக்கடி ஏற்பட்டுள்ளது. அவர் தன் பெயரிலும் தனது மனைவி பெயரிலும் உள்ள 2 கடைகள் 6 குடியிருப்புகள் என 10 கோடி மதிப்பிலான சொத்துக்களை ஏழைகளுக்கு உதவ அடமானம் வைத்து உள்ளார் என்று கூறப்படுகிறது. தற்போது இதனை அறிந்த சோனு சூட் அவர்களின் ரசிகர்கள் அதிர்ச்சியில் ஆழ்ந்துள்ளனர். ஏழைகளுக்கு உதவ வேண்டும் என்று தான் சம்பாதித்து வாங்கிய சொத்தை அடமானம் வைத்த சோனு சூட்டிறகு சமூக வலைத்தளங்களில் பாராட்டுக்கள் குவிகிறது .